Америк хөлбөмбөгийн “Канзас-Сити Чифс” багийн хөгжөөн дэмжигчид өнгөрсөн ням гарагт нэгэн өвөрмөц дээд амжилт тогтоожээ. Миссури мужийн “Эрроухэд” цэнгэлдэх хүрээлэнд болсон тоглолтын үеэр тус багийн хөгжөөн дэмжигчид 137,5 децибелээр хэмжигдэх чанга дуу гаргасан болохыг Гиннессийн дээд амжилтын номны төлөөлөгчид албан ёсоор бүртгэсэн байна. Ийм хэмжээний дууг газраас хөөрч байгааг аварга том тийрэлтэд онгоцууд л гаргадаг бөгөөд хүнд өвдөлт мэдрүүлэх төвшнийх аж.  Хөлбөмбөгийн багийн дасгалжуулагч хөгжөөн дэмжигчдийн гаргасан чимээг “Газар доргиосон хүчтэй нүргэлээн” гэжээ.
Өмнөх дээд амжилт нь 136,5 децибел байсан ажээ.