Колумбын хөлбөмбөгийн шигшээ баг Бразильд 2014 онд болох дэлхийн аварга шалгаруулах тэмцээнд оролцох эрх авсны баяраа улс даяар тэмдэглэж, энд тэндгүй эмх замбараагүй байдал үүсчээ. Цагдаагийнхны мэдэгдэж буйгаар багадаа таван хүн энэ үеэр амиа алдсан байна. Гурван хүн суманд өртөж, хоёр хүн автомашины ослоор нас барсан байна.  Улс даяар хоёр мянга орчим зодооны хэрэг бүртгэгджээ.  Үүнээс гадна 750 автомашины осол гарч, 106 жолооч согтууруулах ундаа хэрэглэсэн үедээ машин жолоодсон хэргээр баригдсан байна. Колумбийн хөлбөмбөгийн шигшээ баг өнгөрсөн баасан гарагт Чилийн багтай тоглож, 3:3 тэнцэн Бразиль явах тийзээ авсан юм.