Монгол Улсын Ерөнхийлөгчийн зарлигаар тав болон аравдугаар сарын хоёр дахь долоо хоногийн бямба гарагийг орон даяар мод тарих өдөр болгон зарласан билээ. Энэ өдрийн хүрээнд улс орон даяар мод тарьж байгаа бол нийслэл хотын хувьд төвийн зургаан дүүрэгтээ мод тарив. Тухайлбал, Чингэлтэй дүүргийнхэн Чингэлтэй ууланд, Баянзүрх дүүргийнхэн Амгалангийн зам дагуу, Сүхбаатар дүүргийнхэн Сэлбэ голын дагуу гээд тус тусынхаа нутаг дэвсгэрт мод тарьж байна.
Нийслэлийн газар нутгийн 10 орчим хувьд нь л ногоон байгууламж байдаг гэнэ. Тэгвэл 2016 он гэхэд нийслэлийн ногоон байгууламжийг 8000 га-д хүргэж, нийслэлийн нийт эдэлбэр газар нутгийн 20 хувийг ногоон болгох зорилго тавиад байгаа гэнэ.