""Хувийн хэвшлийнхэн засаглалаа өөрсдөө үнэлэх нь"" сэдэвт дугуй ширээний ярилцлага өнөөдөр Хэвлэлийн хүрээлэнгийн мэдээллийн танхимд болно.
Монголд компанийн засаглал гэж улиг болтол ярьж байгаа ч аль ч байгууллага засаглал дээрээ анхаарч үнэлгээ өгч чадахгүй байгаа юм. Харин үнэлгээг хийх аргачлал нэгэнт боловсруулагдан гарсан тул ялангуяа хувийн бизнесүүд өөрийн засаглалаа үнэлэх нь Монголын эдийн засаг унаж байгаа энэ үед таатай үр дүн авчрахад түлхэц болох нь гарцаагүй. Засаглалаа үнэлэн, дутагдалтай талаа сайжруулж, улмаар тайлан балансаа ил тод болгох нь хөрөнгө оруулалтыг нэмэгдүүлэх том боломж юм. Дугуй ширээний ярилцлагад АНУ-ын ОУХА-ийн Монгол дахь суурин төлөөлөгч Франк Донован,
 Компанийн засаглалын хөгжлийн төвийн гүйцэтгэх захирал Ж. Үнэнбат, Олон улсын санхүүгийн корпорацийн компанийн засаглалыг бэхжүүлэх төслийн үйл ажиллагаа хариуцсан мэргэжилтэн Анар Алиев, Хувийн хэвшлийн төлөөлөл М. Чанцалмаа, ХААН банкны засаглал хариуцсан нарийн бичгийн дарга нар оролцох юм байна. Ярилцлага өнөөдөр 11 цагт болно.