Одоогоос сарын өмнө зүрхний яаралтай хагалгаанд орох шаардлагатай хэмээн хэвлэл мэдээллээр монголчууддаа хандаж байсан Г.Нямдаваа хүү Энэтхэг улсад хагалгаагаа зуун хувь хийлгээд эх орондоо ирсэн байна. Түүний хувьд найман сарын хорин дөрвөнд зүрхний хэм алдалтыг зогсоох, хорин долоонд хавхлаг солиулах гэсэн хоёр хүнд хагалгаанд орсон  аж. Хэдий хагалгаа сайн болсон ч нэгээс хоёр жилийн хугацаанд гам барих эмчилгээ хийлгэх шаардлагатай гэнэ. Түүний хагалгаанд шаардлагатай гучин сая төгрөгийн 25 саяыг “Делта Констракшн” компани хандивласан. Үлдсэн таван сая төгрөгөө “Зүрхний хайлан” хандивын тоглолт болон сайн санаат хүмүүсийн тусламжаар бүрдүүлжээ. Одоо дөнгөж арван найман настай хүүгийн хувьд Монгол түмнийхээ ач буянаар эрүүл саруул болж чадсан нь ирээдүйд ихийг хийж бүтээх урам зориг нэмсэн шүү хэмээн талархлаа илэрхийллээ. Мөн та бүгдийн дэмжлэг туслалцаа, сайн сайхан үр дүнд хүрч чадсан гэдгийг мэдэгдэхийг хүссэнээ уламжилж байв.