Засгийн газрын тэргүүн Н.Алтанхуяг шинэ ургацын ногоог нийслэлчүүддээ хэрэглүүлэх, цаашлаад ногоочдын амьжиргааг дэмжих зорилгоор нийслэлд хэд хэдэн газар хүнсний ногоо борлуулах цэг байгуулж, ногоочдод түрээсгүйгээр ашиглуулж буй. Тэгвэл ургац хураалт эхэлсэн, нийслэлд 26 цэгт шинэ ургацын ногоо худалдаалах цэг байгуулан ажиллуулж байгаа ч эрэлт их, нийлүүлэлт хангалттай байгаа учир нэмж хүнсний ногоо борлуулах цөөнгүй тооны цэг барихаар ажиллаж байна. Үүнээс гадна энэ сарын дундуур “Намрын ногоон өдрүүд” уламжлалт үзэсгэлэн худалдаа зохион байгуулна гэж ҮХААЯ-ны Төрийн нарийн бичгийн дарга Н.Золжаргал мэдээллээ.