Сонгинохайрхан дүүрэгт  МАН олонхи хэдий ч үүгээрээ далимдуулан төсвийн мөнгийг дүүргийн удирдлагуудын албан өрөөг засч, тохижуулах зэрэг зориулалт бусаар зар­цуулж байгаад АН-ын бүл­гийнхэн нь эсэргүүцэв. Энэ нь, хууль бус үйлдэл тө­дийгүй зөвхөн энэ биш олон асуудал гаргасныг хэллээ.  Тус дүүргийн удирдлагууд буруу шийдвэр, тогтоол их гаргадаг аж. Тодруулбал, 2013 оныг СХД “Иргэдийн оролцооны жил” хэмээн зарласан мөртлөө шийдвэр гаргах төвшинд иргэдийн оролцоо хангалтгүй байна. Ерөнхийлөгчийн зарли­гаар бүх дүүрэгт “Иргэний танхим” байгуулж, иргэдийн үгийг сонсох ёстой байтал одоо болтол энэ хэрэгжээгүй. Дүүргийн ИТХ-ын хурлын танхимыг хоёр өрөө болгон хувааж, дарга нар нь өөрсдөө суудаг болсноос, үйл ажиллагаа явуулах өрөөгүй болгож. Зөвхөн ЗДТГ-ынхаа байшингийн гаднах засварт л гэхэд 64 сая төгрөг зарцуулсан нь төсвийн мөнгөөр туйлж байгаагийн жишээ гэв. Нийслэлийн хамгийн олон хүн амтай дүүрэг мөртлөө СХД-т цахилгаанд холбогдоогүй 4000-5000 айл өрх байхад энэ ажилд хөрөнгө мөнгө зарцуулахад анхаарсангүйг  Сонгинохайрхан дүүргийн АН-ын бүлгийн төлөөлөгчид мэдээлсэн юм.