“Ноёд” группын захирал Г.Буяндоржийг өнөөдөр 18:00 цагийн орчимд албадан саатуулжээ. Түүнийг бусадтай бүлэглэн ихээхэн хэмжээний мөнгө угаасан байж болзошгүй хэмээн УМБГ-ын Эдийн засгийн гэмт хэрэгтэй тэмцэх газарт шалгаж байсан ч мөрдөн байцаалтын явцад оргон зайлсан хэмээн албадан баривчлахаа мэдэгдээд байсан юм.
Г.Буяндоржийн хийсэн хэргийг эргэн сануулахад, “Да Мон Трейд” ХХК 2004 оны хоёрдугаар сарын 4-нд “Зоос” банкинд 550 сая төгрөгийн зээлийн эрх нээлгэсэн ажээ. Гэтэл Г.Буяндорж тус компанийн тамга, тэмдэг, удирдлагын гарын үсгийг хуурамчаар ашиглан 2004 оны тавдугаар сарын 11-нд 50 сая, 28-нд 50 сая төгрөгийг “Зоос” банкнаас авсан юм байна.