Өвөрхангай аймгийн Ардчилсан залуучуудын холбооноос жил бүр уламжлал болгон зохион байгуулдаг  “Айсуй цагийн эзэд-2013”  залуучуудын чуулга уулзалт өнгөрсөн амралтын өдрүүдэд болж өнгөрлөө.  

Тус аймгийн  Бүрд сумын нутагт орших байгалийн  үзэсгэлэнт газар болох Элсэн тасархайн цогцолбор газар уг арга хэмжээ болсон юм. Энэхүү уулзалт нь Өвөрхангай аймгийн Ардчилсан залуучуудын холбооны үйл ажиллагааг залуучуудад сурталчлан таниулахаас гадна залуучуудын амралт чөлөөт цагийг зөв боловсон өнгөрөөх, эв нэгдэл нөхөрлөл хөгжлийг дэмжих.
Жил бүр уламжлал болгон зохион байгуулдаг “Айсуй цагийн эзэд” чуулга уулзалтад энэ удаад 400 орчим залуус цуглаж, тэмээн поло, элсний волейбол, олс таталт зэрэг тэмцээнээр өрсөлдөж, нэгэн өдрийг үр бүтээлтэй өнгөрүүллээ.
Уг чуулга уулзалтад Ардчилсан залуучуудын холбооны ерөнхий нарийн бичгийн даргын үүрэг гүйцэтгэгч Б.Саруул, Удирдах зөвлөлийн гишүүд оролцсон юм.