Монгол Улсын Мянганы хөгжлийн зорилтод суурилсан Үндэсний хөгжлийн цогц бодлого, Засгийн газрын 2012-2016 оны үйл ажиллагааны хөтөлбөрт заасан зорилтыг хэрэгжүүлэх зорилгоор “Гудамж, зам, талбай, үл хөдлөх эд хөрөнгийг хаягжуулах журам”-ыг  баталлаа. Энэ журам хэрэгжиж эхэлснээр албан ёсны хаягжуулалт хийж, хаягийн мэдээллийн нэгдсэн  сан, стандарттай болох юм. Хаягийн нэгдсэн системийг байрлал тодорхойлох солбицлын системд геодизийн хэмжилзүйгээр илэрхийлэх шаардлагатай аж. Ингэснээр хүн ам, үл хөдлөх хөрөнгө болон бусад бүх төрлийн тө­рийн бүртгэлийг орон зайн байрлалд суурилан хийж, төрийн бүхий л үйл ажил­лагаанд байршлаас хамаар­сан  оновчтой, үр дүнтэй шийдвэр гаргахад дэмж­лэг үзүүлэх юм. Жур­мыг хэрэгжүүлэх ажил зохион байгуулахыг Газ­рын ха­рилцаа, геодези, зу­раг зүйн газрын дарга А.Хү­рэл­ша­гай, хэрэгжилтэд хяналт тавьж ажиллахыг Барилга, хот байгуулалтын сайд Ц.Баярсайхан нарт үүрэг болголоо.