Испанийн Вера хотын наран шарлагын газарт өчигдөр 729 нутист нүцгэн цугларч усанд сэлцгээсэн нь дээд амжилт болсон байна. Тэд нутгийн нудистуудын санаачилсан “Усны хувцасгүй өдөр” гэдэг баяраа тэмдэглэсэн нь энэ гэнэ.  Усанд сэлэхэд 600 гаруй нь оролцсон гэсэн ч энд очсон, хүссэн хүн түүнээс ч олон байсан гэнэ. Алдарт дээд амжилтын Гинесийн номынхон энэ арга хэмжээг баталгажуулах юм байна.
Өмнө нь Шинэ Зеландад 506 нудист усанд сэлж дээд амжилт тогтоож байсан гэж орон нутгийн хэвлэлд бичжээ.