Японы мэргэжлийн сумо бөхийн долдугаар сарын Нагоя башёд 69 дэх ёкозуна Хакухо М.Даваажаргал түрүүлснээр 26 дахь удаагаа мэргэжлийн сүмогийн башёг тэргүүллээ. 13 дахь өдрийн барилдаанаас ёкозуна Хакухо түрүүлэх нь тодорхой болоод байсан юм. Ингэснээр тэрээр тав дахь удаагаа тэмцээн дуусахаас өмнө түрүүлэх болзлоо хангаад байгаа юм. Энэ удаагийн башёгийн түрүү түүнд нутаг нэгт их аварга Д.Дагвадоржийн өмнө бичигдэх амжилтыг авч ирлээ. Одоо түүхэн амжилтын эзэн болохын тулд түүнд дахиад долоон удаагийн түрүү хэрэгтэй байгаа. Мөн башёгийн 14 дэх өдөр хавиргандаа бэртэл авсан учир Төв аймагт болох наадамд барилдах эсэх нь тодорхойгүй байна.