АНУ-ын Калифорни мужийн эрдэмтэд судалгааныхаа эцэст дэлхийн дулаарал ийм байдлаар үргэлжилбэл манай дэлхий дээр үлэг гүрвэлүүд дахин сэргэж амьдрахад хүрч мэднэ гэсэн гаргалгаанд хүрчээ.
Тэднийхээр бол дулаарлын явцад юрийн  галавын  үеийн сээр нуруутан амьтдын амьдрах тийм орчин бий болж энэ нь үлэг гүрвэлүүд сэргэхэд хүргэж мэднэ гэж байгаа юм байна. Тэр ч бүү хэл зөвхөн үлэг гүрвэл ч биш тэртээ үеийн бусад амьтад ч сэргэнэ гэнэ.

Удаан хугацааны судалгааны явцад эрдэмтэд гүрвэлийн төрөл, яст мэлхий, болон матар зэрэг аварга  амьтдын амьдралд тодорхой нөхцөл, тухайлбал байнгын өндөр температур шаардлагатай байдаг юм байна гэсэн дүгнэлтэд хүрчээ. Калифорнийн их сургуулийн эрдэмтэн Патриси Хиллардын үгээр бол аварга биетүүд үеэс үед өөрчлөгдөж, 10, магадгүй хэдэн зуун үе солигдоод бие нь хамгийн багаар бодоход зургаа дахин томордог гэнэ. Ийм байдлаар дэлхийн дулаарлын явцад манай дэлхий дээр асар том биетнүүд бий болж, бас цоо шинэ төрөл зүйлийн амьтад гарч иржээ.

40 сая жилийн өмнө амьдарч байсан гэх Barbaturex morrisoni гүрвэлийн үлдэгдлийг судлаад асар том биетэйгээс биш өнөөгийн том амьтдаас нэг их ялгаагүй болохыг нь нотолжээ. Палеогеновын үеийн гүрвэлийн урт хоёр метр орчим байж. Тэгэхээр гүрвэлийн биеийн хэмжээнд дээр үеийн тэр дулаан уур амьсгал нөлөөлж байсан нь тодорхой байна.

Палеогены үед өнөөгийнхөөс харьцангуй дулаан байсан болохоор хүйтэн цуст сээр нуруутны хувьд тэр том биедээ шаардагдах их калорио олж авахын тулд нэг их идээд байхын хэрэггүй байсан бололтой.
Энэ бүхнээс үүдээд манай гаригт жилээс жилд нүүрлэн, хэмжээ далайц нь нэмэгдсээр байгаа дэлхийн дулаарал Юрийн галавтай адил орчин, уур амьсгал  бий болгож, энэ нь үлэг гүрвэлүүдийг сэргээж магадгүй гэнэ.