Сүүлийн үед УИХ-ын гишүүдээс эхлээд төрийн өндөр тушаалын албаныхан элдэв мөнгө төгрөг, авилгын хэрэгтэй орооцолдож хэл ам дагуулах болсон. БҮр сүүлдээ төрөөс төрсөн баячуудаас болж хүний амь эрсдэх боллоо. Учир юу гэвэл долдугаар сарын нэгэнд гарсан аймшигт хэрэг амрагуудын хардалт сэрдэлтээс үүдэлтэй юм. Ингээд л татварын хоёр байцаагч бүсгүй мөнгөлөг нэгэн эрээс болж нэгийнхээ амийг хөнөөсөн ноцтой хэрэг Баянгол дүүрэгт гарч хотыг бүхэлд нь цочроолоо.

Хоёр бүсгүйн амьдралаар тоглосон Д.Батболд өдгөө Уул уурхайн яамны Төрийн захиргааны удирдлагын газрын даргын алба хашдаг нэгэн. Тэрээр гурван жилийн өмнө Ч.Туяа гэх татварын байцаагч бүсгүйтэй танилцаж нэг гэрт амьдрах болсон байна. Гэвч тэдний хаьцаа удаан үргэлжилсэнгүй. Түүнийг Ашигт малтмалын газрын дарга асан Д.Батхуягийн хүн гэж зарим хэвлэлээр бичиж байгаа юм. Түүнээс гадна нэг анхаарал татах зүйл бол Ч.Туяа гэгч Э-г хөнөөхдөө Д.Батболд руу утасдаж хэлсэн байдаг. Мөн "Надаас салбал би чиний но-г хэлнэ" хэмээж байсан байдаг. Ашигт малтмал, уул уурхайн яамаар дагнасан мань эр яагаад заавал татварын байцаагч хүүхнүүдтэй учир ургуулах болов хэмээн хардах нэгэн ч байгаа юм. Учир юу гэвэл татварынхнаар дамжуулан ямар нэгэн мөнгөтэй холбоотой ажил бүтээлгээд шагнал болгон үнэтэй машин бэлэглэдэг байсан байж болох ч талтай байхыг үгүйсгэхгүй. Юутай ч хууль хяналтын байгууллага түүнийг эл хүн амьны хэрэгт холбоотой эсэхийг нягталж түр хугацаагаар хориод байгаа сурагтай.
Төрийн албан хаагч хүний хаанаас нь тэгж илүүчлэх мөнгө гарч одоогоор мэдэгдээд байгаа хоёрын хоёр бүсгүйд үнэтэй машин бэлэглэдэг талаар зарим хүмүүс хардахаас ч аргагүй.

Дуулиан нь намжаагүй байгаа МИАТ-ийн тодотголтой “Дайны эрсдлийн даатгал” гэх тэрбум, тэрбумаар тоологдох асар их мөнгөний араас адил төстэй зүйл ангиар мөн л ҮТЕГ-ын Хяналт шалгалтын хэлтсийн дарга Ч.Гансүх, Төсвийн орлогын хураалтын тасгийн дарга Ч.Энхбат, байцаагч О.Бямбасүрэн нарыг Авлигатай тэмцэх газар шалгаж буй. Д.Батхуягтай холбогдсон эдгээр хүүхнүүд үнэтэй машин авахдаа тултал юу бүтээв гэдэг нь сонин байгааг зарим нэгэн хардаж байгаа юм.

Асар их мөнгө яригдаж байгаа болохоор татварынхныг бүгдийг нь шалгах юмсан гэх нэгэн ч байдаг юм. Юутай ч татварынхантай орооцолддог Д.Батхуягийг хэн болох, хаанаас их мөнгө илүүчлэх болсныг цагдаагийнхан тодруулна бизээ.