NBA-гийн од Тони Паркер хэдий аваргын цом хүртэж чадаагүй ч, фэнүүддээ дуулгах сайхан мэдээтэй гэнэ. Тэрээр сүй тавихаар болжээ. 31 настай Тони Паркер Францын сэтгүүлч Экселле Франсинтай сүй тавьж байгаа ажээ. Өмнө нь, Холливудын сайхан бүсгүйчүүдийн нэг Эва Лонгориятай гэрлэж байсан Тони Паркер эхнэрээ хуурсан нь илчлэгдсэний дараа гэр бүлээ цуцлуулсан юм. Энэ явдлаас хоёр жил хагасын дараа Тони Паркер дахин гэр бүлийн амьдрал зохиохоор шийдсэн бололтой. Тэрээр Эва Лонгориятай 2010 онд хуримаа хийгээд, хос хоёр сайхан амьдарч байсан ч 2010 онд Тонигийн гар утсанд үл таних эмэгтэйгээс маш олон мессэж ирсний дараа хамтын амьдрал нь бүтэлгүйтсэн юм.
Хуучин эхнэртэй нь ялимгүй төстэй найз бүсгүйдээ сүйн бөгж бэлэглэхээр үнэт эдлэлийн дэлгүүрээр явж байхыг нь өнгөрсөн долоо хоногт харсан хүмүүс түүнийг сүй тавих нь хэмээн шуугьж эхэлсэн бөгөөд Тони Паркер энэ мэдээлэл үнэн болохыг өчигдөр Твиттерээрээ баталсан байна. 
