ШӨХТГ дөрвөн оронтой болон мессэжний тусгай дугаарын үйлчилгээ эрхлэх аж ахуй нэгжүүдэд шалгалт хийжээ. Шалгалтаар тусгай дугаар эзэмшигч нь хэрэглэгчдэд мэдээллийг зөрүүтэй мэдээлэх, үнэ, тарифаа ил тод мэдээлдэггүй нь Хэрэглэгчийн эрхийг хамгаалах тухай хуулийн 4.1.2, Зар сурталчилгааны тухай хуулийн  7.2.3, Өрсөлдөөний тухай хуулийн 12.1.2, 12.1.10-т заасныг зөрчсөн нь тогтоогджээ. Тиймээс дөрвөн оронтой тусгай дугаар эзэмшигч аж ахуйн нэгжүүд нь тусгай дугаарын үйлчилгээ эрхлэх, сурталчлан түгээхдээ үнэ, тарифаа ил тод мэдээлдэг болох буюу нэг мессэж бичих, нэг удаа залгахад тэдэн төгрөг гэж нүдэнд харагдахуйц хэлбэрээр бичиж байршуулахыг ирэх сарын 10-ны дотор биелүүлэхийг үүрэг болгожээ. Хэрвээ биелүүлээгүй тохиолдолд  Өрсөлдөөний тухай хуулийн 27.1.8, Төрийн хяналт шалгалтын тухай хуулийн 16.1.2-т заасны дагуу хатуу арга хэмжээ авна гэж ШӨТХГ-аас анхаарууллаа.