Монгол Улсын Ерөнхийлөгчийн сонгууль энэ сарын 26-нд буюу ирэх лхагва гаригт болно. Энэ өдөр нийслэлийн замын хөдөлгөөнд оролцох тээврийн хэрэгслүүдийг дугаараар нь хязгаарлахгүй гэдгийг замын цагдаагийн газраас мэдэгдэж байна. Учир нь, Ерөнхийлөгчийн сонгуулийн санал хураах өдрийг албан ёсны амралтын өдөр болгосон. Нийслэлийн Засаг даргын захирамжаар дугаарын хязгаарлалтыг албан ёсны амралтын өдөр хийхгүй байх ёстой аж.