Зуслангийн чиглэлийн зам засварын ажил эхэлсэн. Төлөвлөгөөний дагуу Шарга морьт- Жигжидийн уулзвараас Гүнтийн даваа чиглэлд 5 км замын өргөтгөл, шинэчлэлтийн ажил эхлэх гэж байна. Жигжидийн уулзвараас хойш 900 метр замыг өчигдрөөс эхлэн хааж, замын өргөтгөлийн газар шорооны ажил, ус зайлуулах хоёр төмөр бетон хоолойг угсарч байгаа аж.  Дээрх ажлуудыг хийгээд замыг ирэх сарын 10-нд нээх юм. Зуслан чиглэлийн автозамыг "Жэй Кэй Си" ХХК хариуцан аравдугаар сарын 30 хүртэл зам, барилгын ажил гүйцэтгэхээр гэрээ байгуулан, ажлаа эхлүүлж байгаа юм.