Газрын наймаа хэдхэн жи­лийн өмнө нэг хэсэг хүнийг нэ­лээд баяжуулж, зарим нэ­гийг нь бүр “газрын” гэдэг цол гуншинтай ч болгож байв. Тэдний нэгэнд зүй ёсоор тоологддоггүй ч одоо Ерөн­хий­лөг­чийн сонгуульд нэр дэв­шээд байгаа Б.Бат-Эрдэнэ авар­га ч бас газрын наймааны үр шимээр овоо хэдэн бор юм тоолж байжээ.
“Аварга” дээд сургуу­лийн­хаа нэр дээр 1620 м.кв газрыг хичээлийн байр барихаар авч байсан. Тухайн үедээ яг яаж хотын А зэрэглэлийн бүсэд газар авсан нь тодорхойгүй ч үндсэн зорилгоороо газраа ашиглахгүйгээр зэргэлдээх компанидаа газраа худалдаж, өнөөдөр тухайн газарт нь Regency residence, “Олимпик резиденс” зэрэг барилгууд ба­риг­даж байгаа юм байна.
Ингэхдээ газ­раа нэг сая ам.доллараар зар­чи­хаад татвараас нуух зорилгоор 225 мянгын гэрээ хийсэн гэдэг юм билээ. Мон­гол­чуудын хувьд бөх хүн гэхээр гүн­дүүгүй, хээгүй, жудагтай сай­хан эр хүн нүдэнд нь буу­даг. Татвараас нуугдсаныг нь бодоход юуных нь жудаг байх би­лээ. Хэнтийнхэн нь түүнийг хуншгүй харамч, жудаггүй гээд байдаг. Үнэний ортой бололтой.