Бразилийн Риу-Гранди-ду-Сул мужийн фермер Грегори Стейнмедку цахилгаан хөрөөгөөр мод хөрөөдөж байтал хөрөө нь гэнэт халтирч гараас нь мултран гэдсэнд нь зоогджээ. Аймшигт ослыг фермерийн гэргий Фрида нь харж байсан ч хөрөөг ганцаараа салгаж чадалгүй түргэн тусламж дуудсан байна. Түүнийг ойрын эмнэлэгт хүргэж шууд л мэс засалд оруулсан ч эмч нар хөрөөг салгах гэж хоёр цаг оролджээ. Хөрөө азаар мань хүний дотроо эрхтнүүдэд хүрээгүй байсан, тэгээд ч гэргий нь хөрөөг салгах гэж дураараа оролдоогүй нь маш зөв болсон байна гэжээ.
Аймшиг ослын дараа амьд гарсан фермерийн бие сайжирч, харин ч хэвлэлийн од болоод байгаа гэнэ.
“Би одоо хэзээ ч хөрөөгөөр юм хийх бүү хэл харахыг ч хүсэхгүй байна. Энэ чинь аюултай гэдгийг өөрийн биеэр мэдэрлээ” гэж Грегори Стейнмедк ярьжээ. 
