НИТХ-аар золбин нохой, муур устгах зардлын хэмжээг шинэчлэн тогтоожээ. Нийслэлийн хэмжээнд 11 гэрээт анчин золбин нохой, муур устгадаг байж. Тэд 2009 онд тогтоосон үнэ ханшаар нэг нохойг 5000 төгрөгөөр устгадаг байсан гэнэ. Үүнд тээврийн зардал, сумны мөнгө багтахаас гадна анчны цалинч ордог байсан гэнэ. Гэтэл өнөөдөр сумны үнэ өссөнөөс 5000 төгрөгөөр нохой, муур устгахад бэрхшээлтэй болжээ. Тиймээс нэг нохой муур устгах зардлыг 7500 төгрөг болгож байгаа аж. Энэ жил нийтдээ нохой, муур устгах зардалд 470 сая төгрөг төсөвлөсөн байгаа бол өнөөдрийн байдлаар 160 сая төгрөгийг устгалын зардалд зарцуулжээ.