Олимпийн их наадмаас хос медаль хүртсэн цорын ганц Монгол тамирчин, ууган аварга Н.Түвшинбаяр улсын баяр наадмын бэлтгэлдээ гарчээ. Тэрбээр Булган аймгийнхаа бөхчүүдтэй Дугана хадны ойролцоо байрлах амралтын газарт  эр бяраа жигдэлж буй аж. 2006 онд улсын заан Ч.Батзоригоор дөрөв даж начин цолны даваанд тулж ирж байсан түүний хувьд энэ жил дахин даагаа нэхэх нь бололтой. Нутгийн галыг улсын гарьд И.Доржсамбуу ахалж байгаа бол цол нэмэх магадлалтай өсөх идэр начин Э.Энхбат, аймгийн арслан А.Отгонбаатар нар багтаж буй юм байна.