Үйлдвэрчний эвлэлийн гудамж, Баянхошуу чиглэлийн 3.4 км автозамын өргөтгөл, шинэчлэлтийн ажлыг "Хувай Монголиа" ХХК он дамжуулан гүйцэтгэж байгаа юм. Ханын материалын уулзвараас Хилчин хотхоны уулзвар хүртэлх 1.4 км автозамыг шинээр хучиж өнөөдөр нээлээ. Одоо явган хүний зам, гэрэлтүүлгийн ажлыг хийж байгаа аж. Харин Зүүн салааны 3.6 км автозамыг шинэчлэх, шинээр 1.2 км автозам үргэлжлүүлэн барих ажлын хүрээнд Шинэ эцсээс зуслан чиглэлийн 1.2 км автозамыг хучиж замын хөдөлгөөнийг мөн өнөөдөр нээлээ. Замын эхлэл хэсэг болох Баруун, Зүүн салааны уулзвараас Зүүн салааны хуучин эцэс хүртэлх 1.6 км автозамыг 7 сарын 01-нээс 09-ний хооронд хааж, хучихаар төлөвлөж байгаа юм байна.