Попын хаан Майкл Жексоныг нас барах үед гэрт нь хийсэн цагдаагийн үзлэгийн үеэр авсан гэрэл зургуудыг олон нийтэд дэлгэлээ. Дуучны үхэлд эмчийг нь холбогдуулсан шүүх хурал энэ долоо хоногт болж байгаатай холбогдуулан доорх зургуудыг дэлгэсэн байна. Зургаас харвал Майкл Жексон хорвоог орхих үедээ эм, тарианаас хараат нэгэн болсон байсан нь тодорхой байгаа юм.  Дуучны унтлагын өрөө болон хувцасны өрөөнд нь нэлээд олон тооны эм тариа, тэр дунд Жексоны аминд хүрсэн пропофол эм болон эмнэлгийн хэрэгслүүд, хүчилтөрөгчийн аппарат хүртэл байжээ. 

М.Жексоны хувийн эмчээр ажиллаж байсан Конрад Муррэйг санамсаргүйгээр хүний аминд хүрсэн хэмээн шүүж байгаа юм. Харин К.Муррэй өөрийн хийсэн эмчилгээ, дуучинд бичиж өгсөн эмийн жороо М.Жексонд таарсан эмчилгээ байсан хэмээн хамгаалсаар байгаа билээ.

Майклын үхэлд холбоотой байж болох эд мөрийн баримтыг харуулсан эдгээр зургаас дуучны тухайн үеийн амьдрал, орчин нөхцлийг мөн харж болохоор байгаа юм. Зурагт гарснаар бол дуучин унтлагын өрөөндөө үл таних бяцхан хүүхдүүдийн болон домогт жүжигчин Чарли Чаплины хөрөг зургийг тавьсан  байжээ.

Дуучны аминд хүрсэн эм Пропофол


Дуучинд хийсэн пропофол

Эмийн сангаас авах эмийн жор



Дуучны хувцасны өрөө