Нийслэлийн Тээврийн газраас зуслангийн 10 чиглэлд их багтаамжийн болон микроавтобусуудыг явуулахаар болжээ.  Их багтаамжийн автобусууд нь  “Долоон буудал”-аас Жигжид, Гоодой, Баянбулаг зуслангийн чиглэлд 60-90 минутын давтамжтайгаар явуулахаар болжээ. Тасалбарын хувьд том хүн 500, хүүхдэд 200 төгрөгийн үнэтэй байх аж. Харин Долоон буудлаас Өвөр Гүнт, Майхантолгой, Яргайтын богино, Яргайт, Хуурай мухарын чиглэлд 30-120 минутын давтамжтайгаар микроавтобус үйлчилнэ. Том хүн 600, хүүхдэд 200 төгрөгөөр үйлчилнэ хэмээн тус газраас мэдэгдлээ.  Автобусууд ажлын өдөр 07:00-22:00 цагт, амралтын өдөр 08:00-22:00 цаг  хүртэл үйлчлэх юм байна.