Төв мэдрэлийн системийн гажиг буюу юу ярьж байгаагаа хянаж чадахаа больсон Майкл Дойл гэгч өнгөрсөн дөрөвдүгээр сард бүртгүүлж байхдаа л “бөмбөг” гэж үглэсээр явж. Тэр өөрөө болохоор Бостонд марафон гүйлтийн тэмцээний үеэр болсон дэлбэрэлтийг бодож байсан гэдэг. Аюулгүйн албаныхан түүнийг онгоцонд нэвтрүүлсэн ч нисгэгч Жет Блу буулгахыг шаардсан.



Ердөө өнгөрсөн тавдугаар сард Лос-Анжелосоос Нью-Йорк руу нисэх гэж байсан American Airlines-ийн онгоцУитни Хьюстоны дууг дуулаад байсан зорчигчийг дуугүй болгохын тулд буухаас аргагүй болсон. Онгоц ниссэний дараахнаас л энэ гоцлол дуу эхэлж онгоцон дотуур л нэг цуурайтан зорчигч, нисгэгчдэд садаа болж. Үүнээс болж нисгэгчид чиглэлээ өөрчлөн Канзас-Ситид буухаас аргагүй болсон. Цагдаа нар “дуучин” зорчигчийг авч явжээ. Эмэгтэй буруугаа хүлээсэн ч American Airlines түүнийг хүссэн газарт нь хүргэхээс татгалзсан.



2007 оны долдугаар сард Атлантагийн ойролцоох хотоос Кейт Пенленд  19 сартай жаал хүү Гаррентай  нисэх гэж байтал хүү нь эцэс төгсгөлгүй л “пока пока самолёт” /онгоц минь баяртай/ хэмээн үглээд байж. Хүүгээ чимээгүй байлгана уу гэсэн үйлчлэгчийн сануулгыг Кейт хүлээн аваагүй болохоор агаарын тээврийн Continental Express компанийн ажилтнууд  ээж хүү хоёрыг буулгахад хүрчээ.



2010 оны хоёрдугаар сард Шарлоттаунаас Монреаль руу нисэх гэж байсан Air Canada Jazz-ын нисэх онгоцонд хамт явагсдынх нь нэгнээс муухай үнэр үнэртээд байгаа талаар зорчигчид гомдол гаргажээ. Ингэснээр таагүй үнэртэй зорчигчийг буулгаснаар онгоц хөөрсөн байна.



2012 оны зургадугаар сард Нью-Мексико их сургуулийн хөл бөмбөгийн багийн тоглогч 20 настай Дешон Марман онгоцонд орж ирэхдээ тэлээ нь өгзөгнөөс нь доогуур, бараг л өвдөгний нь дээгүүр татсан байж. Цагдаагийнхан өмдөө татахыг сануулсан ч тэр татгалзсан болохоор нисэхийнхэн ч түүнийг онгоцонд нэвтрүүлэхээс татгалзжээ. Марманы ээж болохоор түүнийг найзыгаа оршуулаад сэтгэл санаа нь тавгүй байсан гэж хэвлэлийнхэнд цайруулсан.



2011 оны зургадугаар сард Бруклины 37 настай иргэн Роберт Сайегх “fuck” буюу “ ” гэж хоёр удаа хэлснээс болоод онгоц газардахад хүрсэн. Онгоц Детройтод 45 минут саатахад тэрээр эргэж хараад хөрш зорчигчдоо “энэ дээд тавиурын хаалтыг хаахгүй юугаа хийгээд байна аа. Ямар .........нь болоод байна” гэж хэлэхийг үйлчлэгч сонсоод түүнийг онгоцноос буулгахыг цагдаагийнхнаас хүссэн байна. Сайегх энэ тухайдаа хэвлэлийнхэнд согтуу байгаагүй, зүгээр л ядарчихсан байсан гэжээ.



2011 оны долдугаар сард Риччи Уитли, түүний эгч хоёр төсөрхөн зүрхний шигдээс болсон аав дээрээ очоод буцаж явж. Уитли үйлчлэгчээс аяга дарс гуйж, харин үйлчлэгч “одоо та болно” гэжээ. Уг нь тэрээр онгоцонд ерөөсөө ч уугаагүй юм байна л даа. Харин сэтгэл нь тавгүй уйлж л явж. Ингээд үйлчлэгчтэй таагүй харьцсанаас болоод эгч дүү хоёрыг онгоцноос буулгаж, харин нисэх компани тэр хоёрт буудал, хоолны мөнгө, дараа өдөр нь Даллас руу нисэх тасалбар өгсөн байна. Бүсгүй уг нь аавыгаа бодоод л уйлаад байсан гэдэг.



2011 оны гуравдугаар сард Портлендаас Онтарио руу нисэх гэж байсан онгоцонд 2,05 метр өндөртэй зорчигч сандалдаа өндөрдөөд байж. Зорчигч гарах хаалганы ойр суух бодолтой байсан ч тэнд нь суудал байсангүй. Өөрийнхөө суудал дээр суухаар хөл нь тулаад болдоггүйхажуу тйишээ гаргаад жийчихэж.  Өөр нэг суудал дээр сууя гэтэл тэр нь борт үйлчлэгчийн суудал. Нисэх багийнхан түүнийг нэг бол хөлөө татаж хүн явах зай тавь, нэг бол буу гэж. Энэ маргааныг тасалж түүнийг шууд л онгоцноос буулгасан байна.



2007 оны гуравдугаар сард Рэйчил Колье гэдэг 16 настай охин Нью-Йоркоор аялаад гэрээдээ явж байхдаа ханиаднаас болоод онгоцноос буухад хүрсэн байна. Үйлчлэгч түүнд ус өгч, эмч ч 10 цаг нисэхийг зөвшөөрсөн байж. Харин онгоцны ахмад охиныг багш Майла Кавамарутай нь хамт буулгахаар эргэж нисчээ.Ахмад охины эрх ашгаас илүүтэй бусад зорчигчдын эрх ашгийг дээдэлж хоёр тасалбараа эргүүлж өгөхөд хүрсэн байна.


2011 оны долдугаар сард гэрэл зурагчин Сэнди ДеУитт Маймагаас Филадельфи орохоор онгоцонд суугаад үйлчлэгч нь зорчигчтой хэрхэн бүдүүлэг харьцаж байгааг хараад өөрийнхөө iPhone дээрээ зургийг нь дарчихаж. Харин үйлчлэгч үүнийг нь мэдээд зургаа устгахыг шаардахад тэр зөвшөөрсөнгүй, үйлчлэгч ч маргааныхаа тухай цааш нь хэлж эцэст нь ДеУиттыг “аюулгүй байдлын үүднээс” нисэхийг хоригложээ.