Сара Жессика Паркер “Sex and the City” киноны ганган бүсгүйн дүрээр олонд танигдсан учраас түүнийг амьдрал дээрээ ч их загварын мэдрэмжтэй байх гэсэн ойлголт хүмүүст өөрийн эрхгүй төрдөг. Гэвч шинэ төрлийн моод гэх үү эсвэл зүгээр л Сара Жессика паркерын загварын мэдрэмж гэх үү этгээд хачин маягаар хувцаслах тохиолдол цөөнгүй бий. Тэрээр өчигдөр л гэхэд Нью-Йорк дахь гэрийнхээ ойролцоо  ихэр охидынхоо нэгийг авч явахдаа жинсэн өмдөө дээш нь шууж, алаг эрээн өнгөтэй ноосон оймсыг улаан сандаалтай хослуулсан өмссөн байжээ. 48 настай жүжигчин бүсгүй зүгээр л гоёж гангалахаас залхсан уу, эсвэл энэ түүний дэлгэрүүлэх гэсэн шинэ моод уу, ийм байдалтайгаар Нью-Йоркийн гудамжаар огтхон ч санаа зовсон шинжгүй алхаж байжээ.