Нууцаар химийн зэвсэг үйлдвэрлэж байсан “Аль-Кайда” бүлэглэлийн салбарыг Иракаас илрүүлсэн тухай тус улсын Батлан хамгаалах яамны төлөөлөгч мэдэгдлээ.Төлөөлөгчийн мэдээлснээр зарин, иприт гэсэн химийн хорт хий үйлдвэрлэдэг хоёр үйлдвэрийг Багдад хотоос, бас нэг үйлдвэрийг өөр мужаас илрүүлсэн байна. Хорт хийг Ирак, Европ болон Хойд Америкийн нутагт хэрэглэхээр төлөвлөөд байж. Үүнээс гадна үйлдвэрээс бага оврын онгоцны загвар олсон болохоор ийм жижиг онгоц ашиглан хорт хийг цацахаар зэхэж байсан гэж таамаглажээ. Үйлдвэрт ажиллаж байсан таван хүнийг баривчлахад  тэд алан хядах ажиллагаа хийхээр зэхэж байсан гэдгээ хүлээсэн байна.
Зарин нь нацистуудын нээсэн мэдрэл саажуулах үйлчилгээтэй хордуулах бодис юм. Нэг литр агаарт граммыг мянга хуваасны 70-тай тэнцэх хэмжээнд агуулагдаж байхад л нэг минутын дараа хүнийг үхэлд хүргэдэг.