Жүжигчин Этан Хаук саяхан нэгэн телевизэд ярилцлага өгөхдөө түүний амьдралдаа үзсэн хамгийн сайхан үнсэлт Анжелина Жолигийнх байсан хэмээн ярьжээ. Холливудын хамгийн дур булаам бүсгүй гэдэг нэрийг сүүлийн 20 шахам жил хадгалж яваа А.Жоли Этан Хауктай хамт "Taking Lives" хэмээх триллер кинонд хамтран тоглосон юм. Энэ тухай тэрээр ярихдаа "Анжелина Жоли чамайг үнсэхэд чи нэрээ мартана" гээд чухам юугаараа өөр болоод ингэж хэлэхэд хүрсэн тухай тайлбарлажээ. Нэлээд их эротик хэсэгтэй энэ кинонд тоглож байх үедээ тэд хоорондоо нууц харилцаатай байсан гэж хэвлэлүүд тухайн үед шуугьж байсан юм. Харин тухайн үед Этан Хаук жүжигчин Ума Турмантай амьдарч байсан юм.