Дэлхийн дээвэр Эверестэд хүн авирч гарсны 60 жилийн ойн босгон дээр оросын 48 настай иргэн Валерий Розов энэ ноён оргилын хойд тал руу үсэрсэн байна. Тэр хоёр жилийн турш бэлтгэсний дараа 7220 метрийн өндрөөс үсэрч 5950 метр дэх Ронгбук гэдэг мөсөн талбайд буусан байна. Түүнийг буухад агаарын температур 18 градус, хүчтэй салхитай байсан ч тэр цагт 200 км-ийн хурдтайгаар буужээ.
Валерий Розов үүний өмнө 2009 онд Камчаткийн галт уулнаас, 2010 онд Антрактидын Ульветанн оргилоос, 2011 онд альпийн нурууны Монбланаас, 2012 онд Хималайн Шивлинг уулаас үсэрч байсан, нийтдээ шүхрээр 10 мянган удаа буусан туршлагатай шүхэрч юм.