Дэвид Бекхэмийн гэр бүл Лос Анжелосын Стэплес центрт хоккейн тэмцээн үзэж байх үеэр Бекхэм охинтойгоо үнсэлтийн камерын дуранд өртжээ. Бяцхан Харпер том дэлгэцээр гарч байгаагаа мэдээд баясч байх хооронд аав нь охиноо үнсч, үүргээ гүйцэтгэсэн байна. Бекхэмийн гэр бүл спортын тэмцээн уралдаан үзэх дуртай. Ялангуяа гэр бүлийн найзуудтайгаа ингэж цагийг зугаатай өнгөрүүлдэг. Энэ удаа тэдэнтэй жүжигчин Том Круз том хүү Коннорын хамт нэгджээ. Сүүлийн үед гараад байгаа мэдээллээр Том Круз найз Дэвид Бекэхмийгээ кино ертөнцөд оруулахаар бэлтгэж байгаа гэнэ. Дэвид Бекхэм эртнээс л адал явдалт кинонд тоглохыг хүсдэг байсан бөгөөд одоо мэргэжлийн карьеараа орхиж, зодог тайлсан учир мөрөөдлөө биелүүлэх цаг зав гарсан гэж хэвлэлүүд бичиж байна.