Орос бүсгүй Варя Акулова хэн хүний санаанд оромгүй бяртай бүсгүй болохоор алдарт Гиннесийн дээд амжилтыг хоёр ч удаа эвдэж бүртгүүлээд байгаа хүн. Тэр өөрийнхөө жингээс дөрөв дахин илүү жинг төвөггүй өргөдөг бүсгүй. 1992 онд Кривой Рогийн уурхайн хотод төрсөн тэр бүр багаасаа л олныг алмайруулсан нэгэн. Нэг настай байхдаа гар дээрээ зогсч, ой хагастайдаа сальт хийж, гурван насандаа акробатын дасгалуудыг чөлөөтэй хийж байжээ.

Эмч нар түүний өсөлтийг хэвийн гэдэг ч таван настай байхдаа аавыгаа үүрч, зургаан настайгаасаа гир өргөж сурчээ.

Тэр 2000 онд өөрөө 40 кг жинтэй байхдаа 100 кг өргөж байсан бол 2006 онд З00 кг буюу өөрөөсөө дөрөв дахин илүү жинтэй ачаа өргөөд байгаа юм.