Алдарт Гиннесийн номд бүртгэснээр бол манай гаригийн хамгийн жижигхэн морь АНУ-ын Миссури  мужийн Тамбелин  нэртэй морь гэнэ. Тэр уг нь таван настай ч жижгээрээ яахын аргагүй дээд амжилт тогтоогоод байгаа юм.
Харин зураг дээрх жижиг үүлдрийн  гүүнээс гарсан Эйнштейн хэмээх бяцхан морь ердөө 35 см өндөр, 2,7 кг жинтэй. Энэ цаг үеийн хамгийн жижиг морь болох Тамбелин 44 см өндөр болохоор Эйнштейн өслөө өслөө гэхэд түүнээс өндөр болж чадахгүй. Тийм ч учраас дэлхийн хамгийн жижиг морь гэсэн титмийг Тамбелинаас авах нь гарцаагүй болоод байгаа аж.
Эйнштейн 2010 онд төрсөн болохоор Тамбелинтай өрсөлдөхийн тулд лавтай хоёр гурван жил хүлээх нь. Магадгүй энэ хугацаанд түүнээс том болчих ч юм бил үү. Эйнштейн одой юм уу, ямар нэгэн эрүүл мэндийн согог байхгүй, зүгээр л жижигхэн морь болохоор “Сөөмхөн” гэж дууддаг байна.