Алдарт хөлбөмбөгчин Дэвид Бекхэм их спортоос зодог тайлж буйгаа мэдэгдсэний дараа түүний гэргий Виктория Бекхэм нөхөртэйгөө авахуулсан дотно зургаа Твиттерт дэлгэж “Та бүхний илгээсэн бүх сайхан үгсэд талархлаа. Дэвид бид чамаар маш их бахархаж байна” хэмээн бичжээ. Зураг дээрх Виктория Бекхэмийн үл мэдэг инээмсэглэл тэр бүр ажиглагдаад байдаггүй учир нөхөр нь завгүй спортоос хөндийрч, гэр бүлтэйгээ хамт байх хугацаа илүү их олдох болсонд баяртай байгаа бололтой хэмээн хэвлэлүүд бичиж байна. Дэвид Бекхэм хөлбөмбөгийн спортын 21 жилийн карьерын туршид Мадрид, Лос-Анжелос, Парис гээд гэрээсээ хол амьдрах үе их байсан юм.