Сиамын ихэр төрсөн 23 настай Эбби болон Бриттани Хензел нэртэй хоёр зүрх, хоёр уушигтай. Харин нэг элэг, давсаг, шулуун гэдэс, шээсний сүв нэгтэй. Эбби 157 см өндөр бол Бриттани түүнээс 10 см намхан. Гэлээ ч тэр хоёр амьдралдаа идэвхтэй байж саяхан их сургууль төгсөн багшийн диплом гардаж авсан байна.
“Бид өөр өөр араншинтай. Бриттани төв даруухан хувцаслах, хув чимэг зүүх дуртай бол би тод өнгийн хувцас өмсөх дуртай. Эгч минь гадуур зугаалах дуртай байхад би гэртээ суухыг илүү үздэг. Кофе уухдаа хүртэл өөр. Хэдэн аяга кофе уугаад эгчийн зүрх жаахан дэлсдэг бол надад мэдрэгддэггүй” гэж Эбби ярьжээ.
Сурахдаа ч гэсэн тэр хоёр өөр өөр сонирхолтой байж. Эбби математикт илүү сонирхолтой байсан бол Бриттани уран сайхны хичээлүүдэд илүү анхаардаг байж. Тэгээд тэр хоёр математикийн гүнзгийрүүлсэн сургалттай бага ангийн багш болохоор шийдсэн байна.
Ингээд эгч дүү Хензел хэдийгээр хоёр дипломтой ч нэг хүний цалингаар багшлах гэнэ.
“Сургуулийн захиргаа бид хоёрыг нэг хүний үүрэг гүйцэтгэнэ гэж үзсэн. Магадгүй хожим бид хоёр тушлагажаад ирэхээрээ өөр өөр хичээл зааж болох юм. Нэг нь хичээлээ заагаад, нөгөө нь хүүхдүүдийн асуултад хариулдаг ч юм уу. Ингэх юм бол хоёр хүний ажил болно шүү дээ” гэж Бриттани хэлж байна.
“Эд маань хүүхдүүдтэй ажиллаж, тэдний сургаж чадна. Тэд үнэхээр амьдралын идэвхтэй бүсгүйчүүд. Өмнөө зорилго таиад түүндээ хүрч чадна” гэж сургуулийн нь захирал Пол Гуд хэлжээ.
