АНУ-ыг Манхэттений доод Ист-Сыйдын оршин суугч 17 настай Тимоти Донер гэдэг хүү дөрвөн жилийн хугацаанд гадаадын 20 хэлийг эзэмшиж сурчээ. Тэрээр энэ тухайгаа ярьж, сурсан хэлээрээ ярьсан бичлэгээ интьернетэд байрлуулсан нь  хэл сурахыг хүссэн хэдэн сая үзэгчийн хүртээл болсон байна. Бичлэг дээр хүү франц, орос,немц, иврит, араб, пушту, фарси, хятад, итали, турк, индонези, голланд, хинди гээд өөр бас зургаан ч хэлээр ярьсан байна.  Тэр бас хэл сурдаг аргаасаа хуваалцаж нэг хэлийг нөгөөгөөс нь ялгахын тулд нэг хэлээр бүтэн өдрөөр дагнаж хичээллэдэг гэжээ. “Надад цаг бага байсан ч гэсэн би чадахынхаа хэрээр л хичээсэн” гэж Донер хэлсэн байна. Тэр бас хэл сурах энэ чадвар нь үгүй болчих вий хэмээн эмээж байгаагаа хэлж “онолын хувьд 9-12 насанд хэл судалж эзэмших хамгийн амархан байдаг юм гэсэн” байна. Одоо тэр дунд сургууль төгсөөд коллежид орох гэж бэлтгэж байна. Цаашдаа тэрээр гадаад хэлний багш юм уу, орчуулагч болох хүсэлтэй гэнэ.