Сонгинохайрхан дүүрэгт явагдсан УИХ-ын 26 тойргийн хорооны дахин санал хураалтаар МАН-аас нэр дэвшсэн Д.Сумъяабазар үнэмлэхүй олонхийн санал авч ялалт байгуулжээ. Энэ тухайгаа Сонгинохайрхан дүүргийн МАН-ын хорооноос мэдээллэв. Намын хорооны мэдээллэснээр, “Сонгинохайрхан дүүргийн хэмжээнд хэсгийн 80 хороонд санал хурааснаас 71-т нь Д.Сумъяабазар ялж, есөд нь Л.Эрхэмбаяр ялжээ. Д.Сумъяабазарын есөн хэсгийн хороонд ялагдахдаа 3-50 хүний саналаар ялагдсан бол ялсан хэсгийн хорооддоо 350-1000 орчим хүний илүүгээр ялсан нь илт давуу олонхийн санал авсан” гэв.
Сонгинохайрхан дүүргийн УИХ-ын 26 дугаар тойргийн хороо маргааш Д.Сумъяабазарт УИХ-ын гишүүний түр үнэмлэхийг гардуулан өгөх аж.
Сая Сонгинохайрхан дүүргийн МАН-ын хороон дээр болсон хэвлэлийн хуралд УИХ-ын гишүүн О.Содбилэг тэргүүтэй МАН-ын залуу гишүүд дэмжигчид ирсэн байлаа.