Боксын спортын улсын дөрвөн удаагийн аварга, кик боксын Дэлхийн аваргын алт, мөнгө, хүрэл медальт, Дэлхийн цомын аварга, Алтан гадас одонт, олон улсын хэмжээний мастер Ганбаатарын нэрэмжит өсвөр ба залуучуудын аварга шалгаруулах зүүн бүсийн тэмцээн  Сүхбаатар аймгийн Баруун-Урт хотноо болж байна. Тэмцээнд дөрвөн аймгийн 80 гаруй өсвөрийн тамирчин хоёр өдрийн турш хурд, хүчээ сорин өрсөлдөж өнөөдөр тэмцээний аваргууд тодрох юм. Энэ оны боксын бүсийн анхны тэмцээнд эрэгтэй 28, 30, 36, 42, 46, 48, 50, 52 гэсэн найм жинд өрсөлдөж байгаа юм. Мөн энэ жилээс эхлэн тус тэмцээний рингэнд охидын 46 кг-ийг нэмж оруулсан нь хөдөө орон нутагт эмэгтэй боксчид олноор төрөн гарах, тэдний ур чадварт сайнаар нөлөөлөх талтай хэмээн тэмцээнийг зохион байгуулагчид үзэж байгаа аж.
Тэмцээнд амжилт үзүүлсэн тамирчид улсыгн аварга тэмцээнд орох эрх авах юм.  Цаашид энэ тэмцээнийг уламжлал болгон зохион байгуулах юм байна.