МАН-аас хэвлэлийн хурал зарлаж Ерөнхий сайд Н.Алтанхуягийг огцруулах талаар гаргаж байгаа саналаа сэтгүүлчдэд тайлбарлалаа. Тэдний хэлж байгаагаар бол 90 гаруй жилийн түүхтэй МАН Засгийн газрыг биш зөвхөн Ерөнхий сайд Н.Алтанхуягийг хувь хүн, улс төрчийнх нь хувьд, өнгөрсөн хугацаанд гаргасан олон алдаа, тухайлбал боловсон хүчний томилгоо, хоёр хөршөө үл тоомсорлосон хариуцлагагүй мэдэгдэл хийсэн зэргийнх нь төлөө огцруулах гэсэн юм. Харин Засгийн газрыг  танхимаар нь  огцруулах эсэх асуудлыг УИХ шийдвэрлэнэ гэж мэдэгдлээ. Засгийн газрын тэргүүн Н.Алтанхуягийг огцруулахын төлөө МАН тууштай тэмцэнэ гэдгээ бас сэтгүүлчдэд хэлсэн юм.
Мөн хөдөлмөрийн хөлсний доод хэмжээг нэмэгдүүлэх, цалин тэтгэврийг 30 хувь нэмэх тухай Засгийн газрын тогтоолын төсөл санаачилж УИХ-ын дарга З.Энхболдод өргөн барьснаа мэдэгдлээ.