УИХ-ын сонгуулийн 10 дугаар тойргийн сонгогчид өнөө болтол хууль тогтоох дээд байгууллагад нэг төлөөлгүй байгаа. Энэ тойрогт МАН-аас нэр дэвшин өрсөлдөж олонхийн санал авсан С.Чинзориг, Б.Төмөрхүү нар сурталчилгааныхаа ажилд насанд хүрээгүй хүнийг ажиллуулсан, сонгогчдын санал худалдан авах зорилгоор эд зүйл, мөнгө тараасан гэснэ үндэслээлээр сонгуулийн тухай хууль зөрчсөн гэж анхнаасаа л нэрийг нь татахаар сонгуулийн байгууллагууд шийдвэрлэсэн. Гэтэл тэд  шүүхийн байгууллагаар заргалдаж асуудал шийдэгдэлгүй өнөө хүрч байгаа юм.

Харин Сонгуулийн ерөнхий хороо энэ асуудлаар “Бид анхнаасаа л С.Чинзориг, Б.Төрөмхүү нар УИХ-ын сонгуулийн тухай хууль зөрчсөн учраас нэрийг нь татаж АН-аас нэр дэвшсэн Г.Батхүү, Д,Зоригт нар тангараг өргөнө гэж УИХ-д өргөн барьсан. Тэр байр суурин дээрээ л байгаа. Тэгэхээр АН-аас УИХ-ын сонгуулийн 10 дугаар тойрогт нэр дэвшиж өрсөлодсөн Д.Зоригтоор тангараг өргүүлэх асуудлыг одоо УИХ-ын Тамгын газар шийдвэрлэнэ. Хэзээ өргүүлэхийг тэд мэднэ” гэсэн хариу өгч байна.