УИХ-ын сонгуулийн 26 дугаар тойрог буюу Сонгинохайрхан дүүрэгт энэ сарын 14-нд дахин санал хураахаар товлоод буй. Тиймээс дахин санал хураалтын бэлтгэл ажлын хүрээнд өнөөдөр тус дүүргийн зарим хэсгийн хороонд туршилтаар санал хураахаар болжээ.  
Сонгуулийн тойргийн хороо дахин санал хураахаар 80 хэсгийн хороо байгуулж, тэдгээрт 760 гаруй хүн ажиллуулах юм байна. Өнгөрсөн онд болсон сонгуулиар тус дүүрэгт нэр дэвшигчид 28-аас дээш хувийн сонгогчийн санал авч чадаагүй. Түүнчлэн нэр дэвшигчид үүнтэй холбоотой маргаан үүсгэж, хууль хяналтын байгууллагад хандсанаар Сонгинохайрхан дүүргийн иргэдийг парламентад төлөөлөх нэг түшээгийн суудал хоосон хэвээр байгаа. Дахин санал хураалтаар нэр дэв­шигч Л.Эрхэмбаяр, Д.Сумъяабазар нараас хамгийн олон санал авсан нь УИХ-ын гишүүн болох юм.