Иргэн П.Сэрсмаа Үндсэн хуулийн цэцэд хандаж, Монгол Улсын Шадар сайд Д.Тэрбишдагва Онцгой байдлын ерөнхий газрын даргад хурандаа цол олгосон нь Монгол Улсын Үндсэн хуулийн зарим заалтыг зөрчсөн хэмээн үзэж мэдээлэл ирүүлжээ.

Уг мэдээллийн дагуу Үндсэн хуулийн цэц маргаан үүсгэсэн бөгөөд Монгол Улсын Шадар сайд Үндсэн хууль зөрчсөн эсэх тухай асуудлаар Үндсэн хуулийн цэцийн их суудлын хуралдаан хийхээр товлосон байна. Тус маргааныг хянан шийдвэрлэх Үндсэн хуулийн цэцийн их суудлын хуралдаан 2013 оны дөрөвдүгээр сарын 17-нд буюу ирэх долоо хоногийн лхагва гаригт 09.30 цагаас Монгол Улсын Үндсэн хуулийн цэцийн хуралдааны танхимд нээлттэй болох юм байна.