Гуравдугаар Рейх анхнаасаа 1940 он хүртэл, эмэгтэйчүүдийг зөвхөн сувилагч, холбоочин, штабын туслах зэрэг ажилд авдаг байснаа сүүлдээ СС-ийн туслах албадад, зөвхөн сайн дурын үндсэн дээр 17-30 насны хүнийг л авдаг бболсон байна.  Энд орохыг хүсэгчид нь эрүүл, захиргааны болон эрүүгийн хариуцлага хүлээж байгаагүй хүн байх ёстой гэнэ. Харин 1940 оноос эмэгтэйчүүдийг  бөөнөөр хорих лагериудад ажиллуулах болжээ.
Ингэснээр манай гаригийн  хамгийн сайхан хүйсийнн төлөөлөгчид муу үйлээрээ хүн төрөлхтний түүхэнд ороход хүрсэн юм.
Тэдний нэг бол бөөнөөр хоррих Биркенаугийн ахлах харгалзагч Ирма Грезе.



Ирма Грезе Гуравдугаар Рейх буюу фашист германы хамгийн харгис эмэгтэйд тооцогддог. Тариачны гэр бүлд төрсөн тэр эхлээд Хоэнлихенд  сувилагчийн туслахаар ажиллаж байгаад 1942 онд Равенсбрюкийн эмэгтэйчүүдийн бөөнөөр хорих лагерьт, 1943 оны гуравдугаар сараас Аушвицын бөөнөөр хорих лагерийн нэг салбар Биркенауд очсон байна. 1943 оны сүүлчээр түүнийг ахлах харгалзагчаар  томилсноор тэр хорих лагерийн хоёр дахь том хүн болжээ. Гэхдээ тэр насан туршдаа харгалзагч байхыг хүсээгүй, дайны дараа кино жүжигчин болно гэдэг байсан гэдэг. 

Энэ эмэгтэйн тухай амьд үлдсэн хоригдлууд юу ярьж гэрчилдэг юм бэ. Ирмаг хоригдлууд “Сайхан гэзэгт шулмас”, “Үхлийн элч”, “Гоёмсог араатан” гэж хочилдог байсан гэнэ.

Ирма хоригдлуудыг бороохой, сүлжмэл ташуураар зодож, өлсгөлөн нохдод хаяж өгөн, үхлийн камерт оруулах хүмүүсийг өөрөө биечлэн сонгож авдаг байсан байна. Дургүйгээ хүргэсэн хүнийг юм уу, эсвэл зугаагаа гаргах гэж хүмүсийг гар буугаар зүгээр л буудчихдаг, биен дээрээ шивээстэй хоригдлуудын арьсаар чийдэнгийн бүрхүүл хийлгэж авдаг байсан гэнэ.


Энэ нь түүнд бас хангалтгүй байж, тэр бол дээд зэргийн садист. Хорих лагерийн эмч нартай нийлэн хүмүүс дээр элдэв туршилт хийж, янз бүрийн мэс засал, ажилбар хийхийг харах дуртай байсан гэдэг. Тэр ямагт хүнд савхин гутал өмсч, гар буу зүүхээс гадна сүлжмэл суран ташуураа байнга авч явдаг байжээ.


Энэ бүхнээрээ 22-хон настай энэ бүсгүй  хүн төрөлхтний бүхий л үеийн түүхийн хамгийн харгис эмэгтэйчүүдийн жагсаалтын гуравдугаарт “хүндтэйгээр” бичигддэг болжээ.


Түүнийг 1945 оны тавдугаар сарын 17-нд англичууд олзолж Бельзений шүүх хурлаас дүүжлэх ял оноосон байна.

Цаазаар авахын өмнөх шөнө тэр камертаа хамт байсан бүсгүйтэй хамт нацист дуу дуулан хөгжилдөж байсан бол яг цаазлуулахдаа алуурчинд “Алив бушуул. Энэ бүхнийг ингээд дуусгая” гэж зандарч байжээ.