Холливудын хамгийн сайхан бүсгүйчүүдийн нэг Жессика Альба цаашдаа уран бүтээлийн карьераас илүүтэй хувийн бизнесээ хөөнө гэнэ. Тэрээр ирээдүйн төлөвлөгөөнийхөө тухай “Latina” сэтгүүлд ярихдаа кино карьер гэхээс илүүтэй “The Honest” компанийнхаа бизнесийг өргөжүүлэх, бусдад тустай үйл хийхэд ихэнх цаг заваа зориулна гэжээ.
Жессика Альба анхны хүүхдээ төрүүлсний дараа нөхөртэйгөө хамтран энэ компаниа байгуулсан юм. Түүний компани нярай , бага насны хүүхдүүдэд зориулсан живх, ариун цэврийн хэрэглэл, арьс арчилгааны бүтээгдэхүүн үйлдвэрлэдэг. Жүжигчин бүсгүй ээж болсноор нярай хүүхдэд зориулсан бүтээгдэхүүн ихэвчлэн химийн ямар нэг орц найрлагатай байдгийг олж мэдээд, цэвэр эко бүтээгдэхүүн үйлдвэрлэхээр компаниа байгуулжээ. Энэ компанийг байгуулснаар Жессика Альба урьд урьдаас илүү бүтээлч болж, хүмүүстэй хамтран ямар нэгэн зүйл бүтээж байгаа нь кинонд тоглохоос илүүтэй сэтгэлийн баяр баясгалан өгч байгааг тэрээр ярьжээ.