Израилын энэ жилийн  гоо бүсгүй Йетаиш Эйнауг АНУ-ын Ерөнхийлөгч Барак Обама оройн хоол хамт зооглоно уу хэмээн урьсан байна.  Оройн хоол Барак Обамаг тус улсад  айлчлах үеэр Израилын ерөнхийлөгчийн ордонд болно гэж мэдэгджээ.
Израилын армийн офицер байсан, 21 настай Йетаиш Эйнау эфиопоос гаралтай ч “Израилын гоо бүсгүй”- титэм хүртэж байгаа анхны өнгөт арьсан юм. Тэрээр 12 настайдаа Израильд ирсэн олон хүүхэдтэй айлын хүүхэд юм байна. Харин Эйнау шинэ эх орондоо хурдан дасч хэл суран, дэлгүүрт худалдагч хийж, армид алба хаан бага дэслэгч болтлоо дэвшжээ.