Пирс Броснан Жеймс Бондын дүрээ Их Британийн жүжигчин Даниель Крэйгт өгөөд удаж байгаа  ч 007-гийн “cool” дүр төрхөө алдаагүй, дахин тоглоход ч болохоор байгааг эдгээр зураг харуулна. Алдарт жүжигчин өдгөө 59 настай ч Холливудын хамгийн дур булаам залуусын нэгд тооцогдож явсан үеэсээ төдий л өөрчлөгдөж, өтлөөгүй байна. Тэрээр хамгийн сүүлд “Love Is All You Need” хэмээх кинонд ганц бие бизнесмэн эрийн дүрийг бүтээсэн юм. Түүний шинэ бүтээл ирэх дөрөвдүгээр сараас кино театруудаар гарч эхлэх юм байна.