Жүжигчин Холли Берри өчигдөр Жей Леногийн үдшийн ток шоугоор орохдоо нүд унагам даашинз өмссөн нь хөтлөгч эрийн харцыг эрхгүй булаажээ. Даваа гаригт дамжуулсан нэвтрүүлгийн бараг ихэнх хугацаанд хөтлөгч Лено түүний хэт гүн ухлаадастай даашинз руу харсаар өнгөрсөн гэнэ.  Энэ үеэр 62 настай алдарт хөтлөгч Холли Берригийн Оскарын улаан хивсний ёслолд өмссөн даашинз хамгийн сайхан нь байсан гэдгийг ч хэлэхээ мартсангүй. Өдгөө 46 настай ч сайхан төрх, галбираа хадгалсаар яваа жүжигчин бүсгүй Оскарын улаан хивсний ёслолд Бондын бүсгүй шиг хувцаслахыг хүссэн учраас Донателла Версачед захиалан ийм даашинз хийлгэсэн гэдгээ хэлсэн байна.