Харри Поттер киноны бяцхан охины дүрээр танил болсон Эмма Ватсон насанд хүрсэн том бүсгүй болсон гэдгээ “Bling Ring” хэмээх сүүлд тоглосон киногоороо харууллаа. Түүний гол дүрд тоглосон “Bling Ring” бол Холливудад жинхэнээсээ байсан хулгай хийдэг охидын бүлгийн тухай кино бөгөөд Софиа Копполла найруулсан юм. Линдсей Лохан, Парис Хилтон зэрэг оддын гэрт орж, их хэмжээний үнэт эдлэл хулгайлдаг байсан охидын бүлгийнхнийг 2009 онд баривчилсан бөгөөд тэдний адал явдлаар энэ киног бүтээж, Эмма Ватсон бүлгийн ахлагчийн дүрд тогложээ. Тэрээр дүрийнхээ онцлогоос шалтгаалан нэлээд ил задгай хувцастайгаар энэ кинонд тогложээ.