Жүжигчин Брюс Уиллис “Хатуу самар” киногоороо алдаршсан “сайн эр” боловч амьдрал дээрээ үр хүүхдээ халамжлан өсгөдөг жирийн л нэг эцэг хүн. Тэрээр Лос Анжелост эхнэр, бяцхан охинтойгоо дэлгүүр хэсч яваад паппарацын дуранд өртжээ. Алдарт жүжигчин Деми Муртай гэрлэж, гурван хүүхдийн эцэг эх болсон тэд 2000 онд салж, Брюс Уиллис 2009 онд загвар өмсөгч Эмма Хемингтэй гэрлэсэн билээ. Тэд өнгөрсөн онд охинтой болсон юм. Гэр бүлийн гурав Лос Анжеслоын “Century City Mall”-д дэлгүүр хэсч, худалдаа хийж явахад нь эдгээр зургийг авчээ. Брюс Уиллисын уран бүтээлийн тухайд түүний тоглосон Хатуу самар киноны зургадугаар анги “A Good Day to Die Hard” одоо олон улсын кино театруудаар гарч, 210 сая ам.долларын орлого олоод байгаа юм.