Афганистанд үүрэг гүйцэтгэж байгаа Олон улсын энхийг сахиулах хүчний дайчид Афганистаны Урузган мужид хоёр жаал хүгийн амийг хөнөөснийхөө төлөө уучлал гуйлаа. Энэ сарын 28-ны өдөр австралийн цэргүүд байлдааны ажиллагааны үеэр хоёр хүүг буудан хөнөөсөн юм байна. Цэргийн командлагч Жозеф Данфорд нас барсан хүүхдүүдийн ар гэрийнхэнд боломжтой бүхнээр тусална гэсэн байна. Урузган мужийн амбан захирагч ч цэргүүд хүүхдүүдийг хөнөөсөн нь санаатай биш үнэхээр тохиолдлын хэрэг байсан гэснийг хэвлэлүүд дамжуулж байна.

Энэ сарын 13-ны өдөр бас НАТО-гийн нисэх хүчин Кунар мужид агаараас довтлохдоо энгийн номхон 10 иргэний амийг хөнөөсний дотор таван ч хүүхэд байсан юм.